開工時上 facebook是不少打工仔每日必做的事，可有想過因此成為被即時解僱的理由？一名任職銷售主任的打工仔，去年底被僱主以此理由炒魷，無賠償代通知金之餘，更被剋扣傭金。經半年訴訟，裁判官昨最終裁定打工仔開工時上 facebook「嚴重程度不足以讓僱主可在毋須通知下即時解僱勝訴」，僱主須於 10日內歸還傭金連代通知金共 6,000餘元。

阿榮（化名） 31歲，去年 8月加入天灝廣告有限公司旗下的《生活晴報》任職銷售主任，至 11月 12日因覓得新職而遞信請辭，並給予僱主一個月通知，惟 3周之後，僱主突以他在辦公時間經常上 Facebook聊天為由將他即時解僱，並拒付代通知金。

「公司從來冇話過唔畀員工上 facebook，我確係有用 facebook傾私人嘢，但我冇收過上司任何口頭或書面警告，佢哋仲鼓勵員工上網邀請朋友對公司嘅 facebook網頁讚好，其他同事開工時都有上，如果因為咁炒我，應該炒埋其他人」，阿榮說。
由於公司規定營業部員工要完成接單、跟單及收款 3個程序才獲發傭金，阿榮突然被炒等不及客戶付款，損失約 5,000元傭金，「臨走嗰個月我仲係爆數（創入職以來最高業績）?！」阿榮非常氣憤，被炒 10日後向勞工處求助。最初阿榮作讓步，若僱主願賠約 2,000元代通知金，他便同意和解，「點知佢堅持唔畀，仲同勞工處話公司只準負責搞活動嘅同事開工上 facebook，呢樣嘢我真係冇聽過?！褂伸峨p方無法和解，今年 1月小額薪酬索償仲裁處審理案件。

官稱不足以即時解僱

僱主派出一名經理與阿榮在庭上對質，經理指摘阿榮經常開工上 facebook，更無故曠工兩天，又被客戶投訴，阿榮一一反駁。今年 4月裁判官裁定「員工在辦公時間上 facebook，嚴重程度不足以讓僱主可在毋須通知下即時解僱」，判阿榮勝訴。僱主不服上訴，案件於上月底再審。
公司總經理鄭錦雯親自出庭，大數阿榮工作表現欠佳、不服從命令、疏忽職守等，又將指控他曠工日數增至 8天，說屢次警告亦無效。阿榮否認曾曠工，解釋只是公司的「指模打卡」系統未有完整記錄其出入，亦從未收過警告，「會唔會犯錯咁多次都唔炒，咁重要嘅證據，點解到上訴先提出？」
昨日裁判官作出終極裁決，維持阿榮勝訴，認為他沒干犯嚴重過失，又不相信僱主作出近 10次口頭警告後才解僱他。阿榮坦言一直以來不是為錢，而是為取回公道。